公益，有d流去DAF，十碌八碌几百宗，基金功能同投资转化比係几多？乜“仁爱乐捐”，“鱼菜共生”，利益链玩左手倒右手，三藩Mafia都做?啦。」 「我袋住一两千万坐Econ，食佢哋食净嘅，不如搵d团体喺街度派下米送下药。资源唔係囈翻嚟嘅，係靠抢啊戴主席。」 一番陈词全盘否决初衷，戴子良目光回溯后生仔再三諦视。 「你意思係由一开始就无諗住舂个头埋去？」 「换句话讲，我无諗过要借戴生做跳板。唔兜咁大个圈你又点可能表真态？」，抽出最薄文书，Ray为他斟酒添冰直奔主题：「呢份投资计划涉及一项已暂停嘅基金，佢原本係董事会成员发起嘅私募，啱唔啱？」 主席拧眉：「错係无错，但考虑到监管因素空置咗几年，等某一日拎上议程投票，分分鐘作废。」 他不紧不慢岔腿捂进软垫：「发起人戴加治，Dariush?R.?Hirjee？定係Hirji？前太古理事，希慎首席资管顾问，无记错嘅话，戴生嗰位巴斯太太都姓Hirjee...」 戴子良一霎析透暗示，忙急摆手：「唔得！佢哋只係远亲，我太太无话语权！」 「本埠巴斯人差唔多绝跡禁济，估唔到琐罗亚斯德教可以接受同外族通婚，按利氏嘅前清作派，如果真係无话语权你今日仲坐得到主席个位？」 僭越妄语，扒除半世捧端的屏羞布。 戴子良那名魁梧的嚤啰助理不时与乌鸦相互打量，偌大贵宾房隔噪效果优异，氛围陡跌冰点。 四人渊潭禪定，静待一道万钧之雷。 Ray掸了掸雪茄灰，捺着脾性先破僵局：「认祖归宗之前，英国佬喺批租期上仲会大造文章，利氏将波斯富街、新寧道旧楼转走冲散风险，集中开发收租置业，应付嘅係结构性变动，大摩预言HK地產泡沫，银行一旦大幅调息影响各板匯率，到时你想融资都冇好桥。」 「PE啟用，一期资金由我出，趁市场庆烚烚唔做长揸搞对衝。戴加治玩咗成世策略，佢明我嘅诚意。」 江诗丹顿一毫一厘嘀嗒循环，他吶吶答復：「龙生，资金壳嘅事我可以介绍专业渠道，希慎方面...私募运营一旦有咩差错，牵连嘅係成间公司嘅image同名誉，我孭唔起呢个责任。」 老前辈心持忌惮，东家不信任他，他不信任白武士龙睿。 鸦片大梟利希慎以血耕耨铜锣湾帝国，街知巷闻的昭彰恶名早已是时代无字碑，戴子良搭住青云梯，兢兢业业忠于职守，曾阅尽利舞台港姐衣香髻影，迷失攀附者阿諛諂媚，深信烂仔脱胎换骨也会成正道善贤。 即使奶酪摊派从不预他。 几十载浮沉坠茵落混，葱蘢男郎蜕去饱满，鬓髭皆霜，多了岁月磨蚀的智慧褶痕，却困处功禄韁锁，披一袭人造丰羽，只供仰鼻观瞻。 既要明哲保身，又不想获罪断路，Ray翘勾嘴角，竟真有两腿生物嫌钱腥。 始终默然的乌鸦黠笑道：「阿Ray，你索性话畀戴生知，觉得GP位焫屎忽，请佢喺大马嘅私生子嚟坐啊。」 六只眼齐刷刷惊望左侧，警惕，怔忪，嗔怒，似剜瞪一头怪物。 忍耐接近临界的杀手鐧，掀拍滔天巨浪。 戴子良脸部5秒内完成三色剧变，太阳穴如遭暴捶突突猛跳，晕眩撞慌悚悬停胸腔，与颅压疼痛共振，他下意识攥紧婚戒，喉关栗慄颤抖：「靓仔！你敢查我？！」 乌鸦揶揄嘲讽：「拣partner唔摸清楚人哋个底，点同声同气？就睇戴主席想拆掂盘生意定係解决d风流债。」 「我跟规矩做嘢，你哋喺背后出古惑？！」，戴子良愤慨抄杯倾力掷摔，碎璧一地，恍若无法赎补的昔罪。 儒绅光风霽月，包藏庸俗，无耻，不可革洗的秘辛。 嚤啰男悄悄掏腰间武器，抬手瞄准乌鸦，固掣待发，是支大陆54黑星。 未料戴子良戒备过激，Ray目梢倒沉，忖思如何斡旋挽救。 「怕死就唔好上岸！你咸丰嗰年都係捞偏嘅，唔出古惑点叫古惑仔？」，乌鸦解扣指向心窝继续挑衅，「嚟啊，够薑就开枪啡我，呢度东星环头，你自己諗下你仲有无命翻渣甸山。」 「Calm?down?gentlemen！」，一缕尖锐眼色示意陈天雄免开尊口，Ray竖脊离座往前挪步，註视父亲旧友怨懣苍容。 褐赭西服精工细裁，温莎衫领钝度宜当，合该厚德载物的仪态紊乱尽失，周身起伏呈靡草将死蔫枯。 「良叔，叫你d人放翻低把枪。」 Ray把雪茄ｍ.ｈＺgJJX.ｃｏＭ